Erabiltzaileei mezu laburrak (tweets) bidaltzeko edo jasotzeko aukera ematen dien mikroblogging zerbitzua da Twitter. Tweet-ak testuan oinarritutako mezuak dira, gehienez 140 karaktere eduki ditzakete. Egilearen perfilean argitaratzen dira eta haren jarraitzaile (followers) direnengana ere iristen dira. Interneten gehien erabiltzen den “sare soziala” da, Facebook, Tuenti edo MySpace bezalako beste aplikazio batzuek baino egitura sinpleagoarekin. Web ofizialean zuzenean sartuta edo kanpoko bestelako aplikazio batzuen bitartez erabil daiteke, eta horietako askok Twitter orijinalak ez dituen hainbat eginkizun ere gehitzen dizkiote.

Lehen begiratuan, normalean, jendeak ez dio benetako erabilgarritasun praktikorik ikusten Twitter-i, baina Claudia Chez adituak dioenez: «el sentimiento de satisfacción con Twitter será directamente proporcional a dos factores: el cumplimiento de nuestro objetivo y la construcción de una red propia de contactos» (Claudia Chez).

Oinarrizko elementuak

Mezuak bidaltzeko 140 karaktere bakarrik edukita, hainbat konbentzio garatzen joan dira Twitter-en, informazioa transmititu eta testuaren luzera minimizatzeko. Horrez gain, ezagutzea komeni den hainbat modu daude beste erabiltzaileekin elkarrizketan aritzeko.

• Updates edo tweets. Twitter bidez bidaltzen diren mezuak dira. Norbere perfilean eta jarraitzen zaituztenen hasierako orrian agertzen dira.
• Jarraitzaileak edo followers. Twitter-en zure harpidedun diren edo zure eguneratzeak jarraitzen dituzten erabiltzaileak dira.
• Jarraituak. Zuk jarraitzen dituzun erabiltzaileak dira. Haien tweet-ak zure hasierako orrian agertzen dira.
• Erantzunak edo replies. Erabiltzaile jakin bati (edo batzuei) zuzenduriko mezuak dira. Horrek ez du esan nahi beste erabiltzaileek irakur ezin dezaketenik, baizik eta norentzako horrek jakinarazpen bat jasoko duela mezua beretzako dela esanez. Norbaiti mezu bat zuzentzeko, haren erabiltzaile izena idatzi behar da mezuan aurrez @ jarrita. Adibidez, @itzain erabiltzaileari mezu bat zuzendu nahi bagenio, «@itzain» idatzi beharko genuke mezuan. Beste erabiltzaile baten tweet-ari erantzun nahi badiogu eta horretarako Twitter-eko “Reply” botoia klikatzen badugu, haren erabiltzaile-izena automatikoki agertzen da tweet-ak idazteko leihotxoan, eta Twitter-ek gure arteko elkarrizketa jarraitzeko bidea emango digu.
• Berbidaltzeak edo Retweets. Beste erabiltzaile batzuk sortu eta zuk zure kontutik berbidaltzen dituzun mezuak dira, edo bestela zuk jarraitzen duzun erabiltzaileek berbidaltzen dituztenak. Beste erabiltzaile batzuen bitartez deskubritutako eduki interesgarriak partekatzeko erabiltzen dira. Normalean retweet-ek literalki hartzen dute tweet orijinala (kopiatu+itsatsi) eta aurrez «RT » (“r” eta “t” espazioa) «@erabiltzailea: » jarri. Adibidez, @itzain erabiltzaileak jarritako «Kaixo, mundua» mezua retweet-eatu nahiko bagenu, honakoa idatzi beharko genuke: «RT @itzain: Kaixo, mundua». Baita ere, Twitter-eko interfazaren “retweet” botoia erabili ahalko genuke eta modu horretan mezua automatikoki bidaliko litzateke. Baina eskuz egiten badugu, gure iruzkinen bat gehi genezake “RT” horren aurretik.
• Zuzeneko mezuak (Direct messages edo DMs). Erabiltzaile bati zuzendutako mezuak dira, baina kasu honetan erabiltzaile horrek bakarrik ikus ditzake mezuok. Erabiltzaile bati zuzeneko mezua bidaltzeko «d » letra idatzi behar da (letra “d” eta espazio bat ondoren) eta ondoren erabiltzailearen izena. Adibidez, @itzain erabiltzaileari zuzeneko mezu bat bidaltzeko gure mezua honela hasi beharko genuke: «d @itzain». Kontuan eduki behar da zuzeneko mezuak jarraitzaile ditugunei bakarrik bidal diezaiekegula.
• Etiketak edo hashtags. Hitz-gako moduan tweet-ak etiketatzeko erabiltzen diren terminoak dira. Hashtag-ek espazio gabeko hitzak izan behar dute (tilde edo marratxo moduko karaktereek arazoak sor ditzakete) eta aurrez traol (“#) bat eduki behar dute. Adibidez, Realari buruzko tweet-ak, askotan #realsocialismo hashtag-arekin etiketatzen dira.

Interfazea

Twitter-en interfazea oso sinplea eta erabilterraza da. Ondoko bideoak azaltzen du nola erabili behar diren aurrez aipatu ditugun elementu guztiak Twitter-en interfazaren bitartez.

Twitter-en multimedia

Aurrez esan den bezala, Twitter-en testua bakarrik erabil daiteke. Alabaina, badaude hainbat eta hainbat kanpo-aplikazio, irudiak modu errazean igo eta argitaratzeko zerbitzua ematen dutenak eta ondoren Twitter-era esteka moduan bidaltzeko prestatzen dituztenak. Hamaika aplikazio dago eginkizun hori betetzen duena, baina batzuk baino ez ditugu aipatuko::

• Twitpic da argazkiak publikatzeko eta ondoren Twitter-era esteka moduan bidaltzeko zerbitzua ematen duen aplikazioetako bat. Twitter-eko erabiltzaile-izen eta pasahitz berberarekin sar daiteke, beste kontu bat ireki beharrik gabe. Egin behar dugun bakarra zera da: argazkia igo “Upload photo” klikatuta, argitaratu nahi dugun tweet-a idatzi eta bidali. Twitpic-ek berak igotzen du argazkia, sortzen du esteka eta argitaratzen du mezua Twitter-en esteka eta guzti.
• Twitvid-ek Twitpic-en antzera funtzionatzen du, baina bideoentzat da. Twitter-eko gure kontuarekin sartu behar dugu, eta egin beharreko bakarra bideoa igo, mezua idatzi eta bidaltzea da. Horrez gain, aurrez ikusi bezala, posible da baita ere VodPod erabiliz Twitter-en bideoak partekatzea.

Twitter-ekin zerikusia duten beste aplikazio erabilgarri batzuk

• Twitterfeed. RSS feed-en bidez Twitter-en mezuak argitaratzea posible egiten du.
• Echofon. Mac, iPhone ate Firefox-erako Twitter bezero bat.
• Tweetdeck. Mahai gaineko bezero multiplataforma da (Windows, Mac, Linux eta iPhone/iPad) eta Twitter manejatzeko beharrezko izan ditzakegun hainbat kanpo-aplikazio biltzen ditu. Interfaze orijinalak egiten dituen eginkizun guztiez gain, Tweetdeck-ek posible egiten du baita ere argazkiak eta bideoak igotzea atxikitako dokumentu gisara (ondoren Twitpic bezalako zerbitzu batera igoko du) eta estekak laburtzeko modua ere eskaintzen du horretarako zabalduen dauden aplikazio batzuen bitartez.
• Hootsuite Tweetdeck-en oso antzeko funtzionalitateak dituen kliente bat da, baina hark ez bezala, web bitartez funtzionatzen du; ondorioz, nahikoa da nabigatzaile bat edukitzea erabili ahal izateko. Badago Android mugikorrentzat kliente honen bertsio bat. Hootsuite-k ere eskaintzen du argazkiak eta bideoak igotzeko nahiz estekak laburtzeko aplikazio ezagunenak erabiltzea.

Iturriak

• Claudia Chez, Ya tengo mi Twitter, ¿y ahora qué?
• Juan Ortega, Twitter para rookies
• Marc Vidal, Para qué me sirve Twitter

RSS ingelesezko akronimo bat da, hainbat kontzeptuetarako erabiltzen dena, baina zabalduena honakoa da: Really Simple Sindication (harpidetza oso sinplea).

RSSren funtzionamenduari buruzko bideo labur hau ikus dezagun:

(Esteka)

Informazio gehiago:

• RSS Wikipedian (euskaraz)
• RSS Wikipedian (español)
• RSS Wikipedian (ingelesa)
• Guía fácil de RSS
• ¿Sindicación o suscripción?

» Nola harpidetu RSS feed-etara

RSS feed-etara harpidetzea (ingelesez, syndicate) nahiko erraza da. Hori egiteko hainbat modu daude, baina gu RSSen web irakurleetan zentratuko gara.

• Lokalean instalatutako irakurleak (norberaren ordenagailuan): ohiko erako programak dira (norbere ordenagailuan instalatzen dira) eta RSSak irakurtzeko espezializatuta dadude. Baina ordenagailu ezberdinekin lan egiten badugu eta gure harpidetzetara haietako edozeinetatik iritsi nahi badugu,
• Web irakurleak: web-eko beste hainbat zerbitzutan bezala, zerbitzua eduki ahal izateko kontua behar dugu. Abantaila nagusia zera da: informazio guztia webean zentralizatzen da, eta horri esker, gure harpidetzen jarraipen osoa egin dezakegu, gure ordenagailua edozein delarik ere. Adibidez, Google Reader (Gmail kontu bat behar da Google Reader erabili ahal izateko).
• Web nabigatzaileak: Web nabigatzaileen azken bertsioek RRSetara harpidetzea ahalbidetzen dute eta markagailu moduan kudeatzea ere bai. Hala ere, oraindik urruti daude beste irakurleek eskaintzen dituzten aukeretatik.
• Era guztietako RSS irakurleen zerrenda

Behin RSS irakurlea badaukagunean, harpidetzekin «elikatu» behar dugu (to feed ingelesez elikatu da). Horretarako, lehenik harpidetu nahi dugun blogera sartu behar dugu eta feed helbidea kopiatu. Honako itxura edukitzen dute:

• http://udss.wordpress.com/feed/
• http://gettysangle.blogspot.com/feeds/posts/default
• http://blog.myspace.com/blog/rss.cfm?friendID=52386298

Ondoren RSS helbidea RSS irakurtzeko erabiliko dugun programan itsatsi behar dugu (seguruenik «añadir feed» edo «nueva suscripción», edo antzeko aukeraren bat izango dugu). Programa bakoitzak bere berezitasunak ditu, baina ia guztiek aukera ematen digute harpidetzak kategoria bitartez sailkatzeko.

Feed irakurle baten itxura:

Hasierako orri pertsonalizatuak

iGoogle

Gmail kontu bat sortzen dugunean, automatikoki Google-n beste zerbitzu batzuk ere eduki ditzakegu, kasu honetan hasiera pertsonalizatuko orrialdea sortzea eskaintzen duen zerbitzu bat. Hasierako orri horretan gehitu ditzakegu gustuko ditugun feed-ak eta beste hainbat widget.

Netvibes

Netvibes iGoogle-n antzeko web zerbitzua da. Behin Netvives-en kontua daukagunean, harpidetza gehitzeko honakoa egin behar dugu:

• Interesatzen zaigun eta gutxienez RSS kanal bat duen web orri bat aurkitu
• Kanal horren URL helbidea kopiatu
• Netvives-en gure orria ireki
• Klik egin Añadir/Examinar contenidos botoian
• Klik egin Añadir una suscripción botoian
• Agertzen den leihoan itsatsi kodigoa Dirección kontrolean eta klik egin Añadir botoian.
• Automatikoki, Netvives-ek leiho bat gehituko du kanal horretako azken sarrerekin.

Horrez gain, zuzenean Netvives-en ere aurki ditzakegu kanal interesgarriak:

• Klik egin Añadir/Examinar contenidosbotoian.
• Joan Directorio de canales-era
• Bilatu eta gehitu interesatzen zaizkigun kanalak.

Estekak

• The ultimate RSS toolbox: Ingeleszko web orri bat, zeinetan RSSekin lan egiteko 120 tresna baino gehiagotarako estekak dauden.

Duela urte gutxi bideoak webera igotzea prozesu nahiko neketsua eta teknikoki konplexua bazen ere, Youtube iritsi zenetik (ez da aplikazio bakarra, baina eragin handienekoa bai), prozesu bera asko erraztu da. Eta ez hori bakarrik; antzeko beste zerbitzu batzuekin gertatzen den moduan (argazkien kasuan Flickr), bideoei ostatu emateko guneak blogetan bideoak modu erosoan integratu ahal izateko pentsatuta daude.

Bideoak online zerbitzuetara igo

Bideoak online zerbitzuetara igotzea nahiko erraza izan ohi da; denetan eman beharreko urratsak nahiko antzekoak dira, nahiz eta zerbitzu bakoitzak berariazko ezaugarriak badituen. Edozein kasutan, hauek dira jarraitu beharreko pausoak:

1. Igotzeko bideo bat edukitzea: urrats honek, printzipioz oso sinplea eman dezakeena izan arren, burukominik eman diezaguke behin baino gehiagotan:
   • Bideoaren formatuarekin arazoak.
   • Iraupenarekin arazoak (Youtubek, adibidez, 10 minutuko muga du bideo bakoitzeko).
   • Erreprodukzio baimenekin arazoak.
2. Erabiltzaile kontua eduki behar da online bideoen zerbitzuren batean (aurrerago ikus estekak)
3. Bideoak igo, erabiltzaile kontua sortu dugun guneko argibideak jarraituz. Normalean, web formulario baten bitartez igotzen dira bideoak, baina gune batzuek aukera ematen dute igotzeko programak gure ordenagailura deskargatu eta instalatzeko.

Bideoak blog batean sartu, kontua edukita

Youtuben kontua baldin badaukagu

Youtuben kontua baldin badaukagu eta eta bideoa gure blogean posteatu nahi badugu, honako urratsak jarraitu behar ditugu:

1. Sartu My account > Video posting settings
2. Klik egin Add blog/site
3. Gure blogaren datuak bete eta klik egin Add blog
4. Itxaron Youtubek gure blogarekin konektatzen duen arte (denbora pixka bat iraun dezake)
5. Aukeratu bideoak posteatu nahi ditugun blogak
6. Interesatzen zaigun bideoaren orrian gaudenean, klik egin behar dugu Post video estekan, bideoaren azpian dagoenean.
7. Formularioaren datuak beteko ditugu eta bideoa gure blogera bidaliko dugu

Bideoak blog batean txertatu konturik eduki gabe

Youtube, Vimeo, Google Video… bezalako lekuetatik bideoak txertatzea oso erraza da. Egin behar dugun bakarra zera da: gure blogean bideoarekin batera datorren kodigo bat kopiatzea (Youtuberen kasuan eta WordPress-erako, nahikoa da URLren esteka kopiatzea). Baina kontuan eduki behar dugu, bideo batzuen egileek mugatu dezaketela bideoa txertatzeko eskubidea eta hala bada, ezingo dugula kodigo hori kopiatu.

• Youtube: embed kontrolean agertzen den kodigoa kopiatu (batzuetan URLa nahikoa da).
• Google Video:
  • Klik egin Correo electrónico – Blog botoian
  • Agertzen den testu berrian, klik egin Integrar HTML
  • Agertzen den kodigoa kopiatu
• Metacafe:
  • Klik egin Blog/Embed player
  • Kopiatu Embeddable player botoian agertzen dena
• Dailymotion: Kopiatu Lector exportable kodigoa
• Vimeo: Klikatu bideoaren eskuineko aldean dagoen embed botoia eta kodigoa kopiatu

Gure bloga WordPress.com-en ostatu emanda baldin badago, gauzak zertxobait aldatzen dira (baina ez asko).

1. Post bat idazten ari garenean, Vídeos pestainan klikatu behar dugu, erredakzio leihoaren gainean dagoenean.
2. Zabaltzen den informazioan jartzen du bideoaren esteka gehitzeko jarraitu beharreko pausoak zein diren. Basikoki egin behar dena zera da: bideoa dagoen orrialdeko URLa kopiatu eta honako kodigoa idatzi (bideoaren gunearen arabera):
   • [ youtube=URL ]
   • [ googlevideo=URL ]

WordPress-erako Vodpod widget-a

WordPress-ek bideoei ostatu emateko duen zerbitzuak gainera, aukera ematen digu vodpod izeneko widget bat gehitzeko blogaren eskuin aldeko zutabean. Vodpod-ek bideoak markatzeko zerbitzu bezala funtzionatzen du. Widget hau Flickr-enaren oso antzekoa da, gure kontura gehitu ditugun azken bideoen prebisualizazioa eskaintzen baitu.

Lotura interesgarriak

• Online bideon guneak
  • Youtube.com
  • Google Video
  • Dailymotion
  • Metacafe
  • Blip.tv
  • Vimeo
• Online bideo editoreak
  • Eyespot
  • iBloks
  • Jumpcut
• Bideoak markatzeko zerbitzuak
  • vod:pod
• Mugikorretik bideoak denbora errealean
  • UStream
  • Qik

Lehenik eta behin, gai konkretu bat aukeratu behar dugu gure blogerako. Erabaki dezakegu egunean zehar gertatzen zaizkigun gaiei buruz hitz egingo dugula, baina horrelako planteamenduek, normalean, gai zerrenda zabalegia eta dispertsoegia dakarte, eta oro har irakurleak atzeratzen ditu (nolatan gure irakurleak gure oso lagunak baino ez diren). Blogaren gai orokorra “Honi buruz” orrialdean edo Aukeretako “Deskribapen motza” ataletan azal dezakegu.

Aholkuen zerrenda askotan esaten da gomendagarria dela WordPress.com-ek eskaintzen dituen modu honetako plantilak ekiditea. Baina egia esan, momentu honetan ditugun aukerak ez dira askoz gehiago, eta gainera, gure edukia interesgarria bada eta ondo estrukturatuta baldin badago, ez genuke gehiegi arduratu behar plantila eta itxura orokorra orijinalak diren edo ez. Nahikoa da itxura txukuna edukitzearekin.

Arrazoi bategatik idatzi. Argi eduki beharko genuke zein den idaztera bultzatzen gaituen arrazoia eta hori irakurleari ikusarazi beharko genioke. Berdin dio gaiek garrantzi handia duten edo ez, baina guk irakurleari azaldu behar diogu zergatik interesatzen zaigun gai hori. Zer gertatu den kontatzera mugatu ordez, zergatik den garrantzitsua konta dezakegu.

Izenburu deigarriak erabili. Denok jokatzen dugu modu horretan egunkariekin, adibidez; izenburuak ez badigu atentziorik ematen eta ez bagaitu erakartzen, berdin zaigu ondoren datorrena interesgarria den edo ez. Bestalde, artikuluak izenburuak dioenarekin zerikusi handirik ez badu, irakurleak iruzurtuak sentituko dira eta sinesgarritasuna galduko dugu. Denbora pixka bat eskaini beharko genioke izenburu interesgarriak eta esanguratsuak sortzeari.

Ez da ahaztu behar zuzentasunez idatzi behar dela, hizkuntzaren ortografia, gramatika eta ortotipografia arauak betez, besteak beste. Paperean egingo genukeen gauza berbera egin behar dugu. Ez da hil ala bizikoa guzti-guztia perfektu egotea, baina errespeta ditzagun, gutxienez, oinarrizko arauak. Artikuluek sinpleak eta batez ere irakurterrazak izan behar dute. Letra larri eta xehez abusatzeak, ikur gehiegi erabiltzeak,ahozkoarenak diren grafiak erabiltzeak… irakurketa eta ulermena zaildu baino ez dute egiten, eta horrek esan nahi genuen mezuan kalte egiten du.

Zuzen ez idazteak baditu hainbat desabantaila. Honako hauek garrantzitsuenak:

• Irakurtzen gaituztenek pentsatuko dute inkulto hutsak garela. Hori da agerian uzten duguna, eta beraz, ezin dute kontrakorik pentsatu.
• Web-ean guk idatzi dugun gaiari buruz informazioa bilatzen dabilenak ez du guk idatzitakoa aurkituko. Demagun futbolari buruzko blog bat daukagula. Guk furbol, furgol, fulbol edo antzeko modu okerren batean idazten badugu, norbaitek futbol hitza bilatu nahi duenean bilatzaile batean, gure bloga ez da emaitzen artean agertuko.

Garrantzitsua da zintzoa izatea norbere buruarekin eta irakurleekin. Ez da nahitaezkoa gai bati buruz idazterakoan esaten denaz guztiz seguru egotea, baina hala bada, ez dezala erabat ziur dagoela eman. Gure irakurleei galdetzeak, zalantzak plazaratzeak, pentsatzeko eta ondorioak ateratzeko laguntza eskatzeak… guk egiten dugunarekin askoz inplikatuago sentitzen lagunduko die, eta motibazioa izango dute gure blogera berriro itzultzeko. Bestalde, zerbaiti buruz ikuspuntu bat baldin badaukagu, beti askoz interesgarriagoa izango da narrazio hutsa baino. Normalean, askoz aspergarriagoa da gertatu den zerbaiti buruz irakurtzea, egilearen iritzi landuak ezagutzea baino. Azken batez, ez gara ari komunikabide inpartzial baterako idazten. Gure iritziak polemika sor dezakeela uste badugu ere, kontatzeko ausardia eduki beharko genuke.

Alabaina, ez dezagun ahaztu, seguruenik egongo dela norbait erabat ergelak garela pentsatuko duena, eta gainera, iruzkinetan hori jakinaraziko diguna. Hori ekiditeko, ager gaitezen apaltasunez gure artikuluetan, ez gaitezen argiegiak ematen saiatu eta ez ditzagun baieztapen irmoegi eta autokonklusiboak egin. Eta ez dezagun beldurrik eduki erratu bagara aitortzeko eta zuzentzeko. Ez dezagun gure burua serioegi hartu.

Idatzi aurretik beste blog batzuk irakurtzea eta beste egile batzuen lanari edo ideia onei erreferentzia egitea oinarrizkoa da. Irakurleak erakartzeko eragingarriena gai beraz ari diren beste blog batzuei loturak modu natural eta eskuzabalean egitea da. Zentzu honetan, guk nahi dugun estrategia oro jarrai dezakegu gure blogaren web-posizionamendua hobetzeko, baina beste blog batzuetako elkarrizketetan modu naturalean parte hartzeak askoz gehiago funtzionatzen du, eta gainera dibertigarriagoa da. Bestalde, denbora hartu beharko genuke beste blog batzuetan irkuzkinak egiteko, eta ez genuke ahaztu beharko beste batzuek gure blogean egiten dituzten iruzkinak erantzutea.

Azkenik, eredu bat jarri beharko genuke edukia maiztasunez eguneratzeko, edo gutxienez, maiztasun jakin batekin eguneratzeko. Gure blogaren kalitatea azken sarreren kalitatearen esku dago guztiz. Ez da ezinbestekoa da guztiz landutako eta argumentutako iritzia eduki arte itxarotea: horrelako kontuekin exijenteegiak baldin bagara, inspirazioa joango zaigu eta gu geu bihurtuko gara gure buruaren etsai. Ez dezagun sekula ahaztu (gutxienez oraingoz) bloga dibertsio bat dela guretzat.

Informazio gehiago

• Joi Ito’s Web: ‘Blogging Style’
• hmmm: ‘Consejos al escribir artículos en tu blog’
• Blogging Without a Blog: ’11 Blogging Lessons for Newbies’
• A List Apart: ’10 Tips on Writing the Living Web’
• Modern Life is Rubbish: ‘What’s Wrong With My Blog?’

Hiztegiak eta arauak: ortografia, ortotipogradia, gramatika…

• Español
  • Diccionario de la Real Academia de la Lengua Española
  • Ortografía de la lengua española
  • Gramática de la lengua española
  • Artículos sobre ortotipografía
• Euskara
  • Euskaltzaindiaren Hiztegi Batua
  • Euskaltzaindiaren Arauak
  • Elhuyar Hiztegia

Egin behar ez denaren adibideak

• Qué es HOYGAN
• Ejemplos de HOYGAN

Hitz gutxitan esateko, bloga erabiltzaileak sortutako gune bat da, zeinetan sarrerak eguneroko moduan egiten diren eta alderantzizko hurrenkera kronologikoan (azkena lehenengo) agertzen diren.

Denboran zehar bilakaera

• 1997. Blog hitza lehen aldiz erabiltzen da. Jorn Barger-ek bere gunea izendatzeko erabili zuen. Gune horretan Interneten nabigatzean aurkitutako esteka interesgarriak jasotzen zituen.
• 1999. Gune mota hauek sortzeko eta mantentzeko lehen tresnak azaltzen hasten dira. Honako bi zerbitzu hauek agertzen dira: Blogger eta Pitas. Tresna hauek agertuta, publikazio prozesua ordura arte baino jende gehiagoren esku geratu zen, eta horrela, eguneroko pertsonalak online publikatzeko gogoa zutenek ere aukera izan zuten horretarako, estekak elkarbanatzeaz haratago.
• 2002. Blogek geroz eta oihartzun handiagoa lortzen dute ohiko komunikabide tradizionaletan.
• 2004. Merriam-Webster hiztegiak urteko hitz aukeratzen du blog.

Ezaugarri nagusiak

1. Alderantzizko hurrenkera kronologikoa.
   Blogetako sarrerak kronologiaren alderantzizko hurrenkeran argitaratzen dira; hau da, azkena idatzitako sarrera edo post berrienak agertzen dira lehenengo. Modu horretan, erabiltzaile bat blog batera iristen denean, segituan jakin dezake sarrera berririk argitaratu den edo ez. Normalean, orrialde nagusiak sarrera berrienak bakarrik jasotzen ditu, eta berriak publikatzen joan ahala, zaharrenak artxibatzen joaten dira.
   Blog gehienek gainera, artxibo atal bat izaten dute. Atal horretan blog horretako sarrera guztiak gordetzen dira eta normalean dataren arabera edo kategorien arabera sailkatuta egoten dira, eta bilatzaile bat ere izaten dute.
2. Permalinks (edo permanent links).
   Permalink bat URL bat da, zeinak blogaren sarrera konkretu batera eramaten duen beti; baita sarrera hori hasierako orri nagusitik artxibategira pasa ondoren ere. Permalink-ak erabilita, beste gune batzuek gure blogeko sarrera batera egindako loturak, denbora pasa ondoren ere, ez dira eteten.
3. Iruzkinak.
   Blogetan posible da sarrera bakoitzean beste erabiltzaileek egindako iruzkinak jasotzea. Normalean sarrera bakoitzaren amaieran argitaratzen dira eta honako informazioa jasotzen dute: egileari buruzko informazioa (bere gunera lotura edo helbide elektronikoa), eta iruzkina argitaratutako data eta ordua.
4. Feeds.
   feed hitza -literalki ‘elikatu’ esan nahi du- RSS edo Atom fitxategi-formatua erabiltzeari deitzeko balio du. Formatu horrek erabiltzaileei gune batera harpidetzea ahalbidetzen die eta batzaileak (gaztelaniaz ‘agregador’) erabiliz, web gune ezberdinetako informazioa leku berean eta momentu berean jasotzen da.

Informazio gehiago

• Wikipedian blogei buruzko artikulua euskaraz, gaztelaniaz eta ingelesez.
• Minid.net: ¿Qué es un weblog?’
• Modern Life is Rubbish: ‘Top Blog Trends
• Blogs in Plain English
• Twitter in Plain English
• Social Networking in Plain English
• Internet para novatos (GMail)
• Cómo crear un blog en WordPress.com

• Sare sozialen erabileraz galdeketa